I sun maestri autentics tla lauraziun dl lëgn. Dala proietaziun ala realisaziun, i ti stun do a vigni fasa de lauraziun cun competënza, profescionalité y pasciun. I sun na scuadra, i nes ajornun tresfora, i conesciun l’energia de valüta dl lëgn y i la dun zoruch intata te düc i laurs ch’i fajun. Lapró ince le to.
I un na bercstot arjignada ite da tistler y i sun bogn da pité n sorvisc de proietaziun funzional, cun produziun y manutenziun de vigni sort de strotöres fates de lëgn. Nosc team de lauranc y tecnics spezialisá é arjigné ca por ascuté sö tües domandes y al sá da garantí n produt final de cualité y sön mosöra.
Te nosc grup él lauranc che pó mostré sö na gran esperiënza y che á dötes les competënzes che vá debojëgn por pité n sorvisc de consulënza sciöch’al toca tla fasa dan la proietaziun. Dilan a stromënc de ultima generaziun é nüsc consulënc bogn da valuté y capí vigni sort d’intervënt ch’á da nen da fá cun le lëgn y te pita na valutaziun avisa por savëi sc’an po fá n laur, tan dî ch’an á da le fá y tan ch’al costa.
Nosc team de tecnics spezialisá fej y elaborëia visualisaziuns da trëi dimenjiuns de vigni proiet, cun chëres ch’an pó calcolé y ciaré do avisa le gran numer de sorts de strotöres, ince prefrabicac, sciöche tëc por ciases y magazins, majuns y tröp d’ater.
Dala proietaziun cina la fasa esecutiva él le vare cört por nos. I fistidiun nia ma da cherié mo ince da istalé tëc, majuns, prefrabicac, terasses, soras y stighes de lëgn, y i fajun ince restrotoraziun y manutenziun de vedles costruziuns de lëgn, ti don zoruch la belëza antica ala strotöra, cun n mioramënt dal punt d’odüda dl’isolaziun termica y acustica.
Por avëi n’idea plü avisa de ci ch’i fajun, y de sciöche i laurun, dái na odlada a nüsc laurs plü nüs.
I sun n team de profescionisć y spezialisć cun na cualificaziun alta, cun tröpa esperiënza söles sciables y n gröm d’idees por le dagní. Nosc punt de forza é che i s’ajornun tresfora y zënzater ne dormiunse nia impé. Por chësc sunse tres bogn da respogne cun competënza a vigni sort de domanda o bojëgn.
La dita da zumpradus Erardi laora cun le lëgn da plü co vint agn, n material de valüta y vi, che é na pert importanta y fondamentala de nosc raiun. Döt á metü man tl 1996 cun Oswald, n maester artejan che á fat nasce na picia firma che aldedaincö é chersciüda por ci che reverda le personal y la gran sort de sorvisc pitá y che sá co se möie nia ma tla Val Badia y tla Val de Puster, mo te döt le raiun regional.
Nosta storia da artejans é na storia che s’á svilupé tl tëmp, mo che é dassënn restada la medema tla sostanza. Da lauré cun le lëgn, da le trasformé te n material ütl nia ma por abelí, mo ince por renforzé ciases, fabricac, magazins, majuns, n’é nosta manira da ti jí pormez mai mudada: i un respet por chësc elemënt che uma natöra nes á scinché y che, deboriada cun i crëps, é simbol dl raiun te chël ch’i viun. Le lignan fej pert de nosta storia, nostes tradiziuns, nosta cultura. Por chësta rajun le laurunse cun cura, inier sciöche incö y al sará insciö ince indoman.
